Segunda-feira
De 16.30 a 17:30. MÚSICA EM FAMÍLIA com Sonsoles. A partir de 3 anos.
Propostas lúdicas por volta das melodias e ritmos da tradiçom musical galego-portuguesa com os objetivos de afinar a capacidade de concentraçom ante estímulos auditivos, interessar-se polos sinais sonoros e trabalhar a memoria musical por meio da audiçom e a interpretaçom, aperfeiçoar destrezas motrices e trabalhar a relaçom entre o corpo e o espaço-tempo, conhecer o património musical galego e doutras culturas e desenvolver a capacidade de comunicar sentimentos, estados de ânimo e emoções a través da música.
Terça-feira.
Às 18:00. SEMENTINHAS. De 0 a 2 anos.
Espaço de encontro em galego para meninh@s até 2 anos, mães e pais. É de balde mas também compre inscriçom prévia em sementevigoactividades@gmail.com.
Quarta-feira.
De 17:00 a 18:00 CIRCO com Miriam e João. De 2 a 12 anos.
É umha atividade na que as mais pequenas junto com a sua creatividade formam o seu próprio jogo capaz de emocionar e de fazer aflorar num curto espaço de tempo variados sentimentos. @s professor@ som guias de aprendizagem e divertimento.
O objetivo principal é a alegria de aprender brincando e tentaremos compreender e conhecer as relações entre as distintas disciplinas do circo, trabalharemos os equilibrios, deslocamentos, orientaçom, ritmo, autonomia e desenvolveremos as capacidades psicomotoras e de coordenaçom.
Quinta-feira
De 17:00 a 20:00 LUDOTEGA com Mar Barros. A partir de 3 anos.
Objetivo
Promover o desenvolvimento integral das crianças e criar oportunidades de socializaçom entre iguais, de estimulaçom da imaginaçom e da criatividade. Favorecer o seu desenvolvimento cognitivo, psicomotor e socio-afetivo a través do jogo e propostas lúdicas. Também as relações interpessoais, a autonomia, a expressom e a comunicaçom bem como contribuír na formaçom de hábitos de higiene e ordem.
Temas
A atividade artelha-se arredor de sessões semanais nas que além de jogo dirigido e livre, se desenvolverám obradoiros de elaboraçom de brinquedos e jogos a partir de material natural e de refugalho; também de cozinha, de achegamento à ciência, de expressom corporal e plástica, contacontos e atividades relacionadas com as tradições e com o meio natural, entre outras.
Sexta-feira
16:30 a 17:30 TEATRO com Cristina Collazo. De 3 a 8 anos.
O teatro como laboratório, um experimento individual e coletivo que potenciará as faculdades físicas, intelectuais e criativas das crianças. Achegar-se-ám a umha serie de conteúdos nos que se apoia este obradoiro, flexíveis às suas necessidades.
Além de resultar umha atividade de entretenimento e prazer para as crianças, o obradoiro propom-se fomentar a criatividade, as habilidades comunicativas e a consolidaçom dumha visom crítica da arte.
Sábados
11:00 a 12:30 AULA AMBIENTAL com Roi Seoage.
Trata-se dum obradoiro para as crianças trabalharem na horta da Semente e também no interior, conhecerem o ciclo vital das plantas, experimentarem e saberem mais da biosfera da que fazemos parte.
Aviso: os cursos começam em outubro agás Sementinhas que o fixo o 13 de setembro.
Os cursos, além de serem um lugar de convívio e aprendizagem som uma ajuda para manter o projeto. Sem matrícula. Descontos nom acumulativos para pessoas associadas a Semente, desempregadas, irmãs/irmãos e para as que frequentarem mais dum curso.
Com inscriçom prévia em sementevigoactividades@gmail.com. Indicar nome da criança, idade, telefone e se sodes sócias da Semente. Dúvidas e esclarecimentos em sementevigoactividades@gmail.com ou 651 191 352.
