Nome: Laura Campos Suarez
Telefone: 699957603
Correio: laura@lambita.com / info@lambita.com
Facebook: https://www.facebook.com/lambitalab
Intagram: @lambitalab
QUEM SOM
Habitualmente as pessoas som capazes de definir a súa profissom numha palavra, talvez duas, mais a mim sempre me resultam insuficientes. Som graduada em pedagogia teatral, pós-graduada em educaçom emocional e coaching educativo, além disto formei-me em artes cênicas polo que também som atriz, diretora, e docente. Esses dous mundos, o da educaçom e o das artes cênicas, habitam em mim sempre e marcam o meu trabalho, porque encanta-me esbater os limites entre elas, misturá-las, combiná-las e fazer que se complementem e se nutram umha da outra. Depois de quase 20 anos no mundo laboral, aprendim que o que ofereço no meu trabalho nom é o que sei, é o que som, por isso resulta tam complexo achar umha soa palavra.
COMO TRABALHO
Acompanho as pessoas (máis grandes e máis pequenas) no seu crescimento pessoal. O trabalho que fago em Lambita responde à minha visom do mundo coma um lugar no que todos os seres sejam quem de desenvolver todas as suas capacidades e habilidades desde umha perspetiva de crescimento pleno, livre e igualitário, umha cidadania global. Com um enfoque eminentemente prático, lúdico, prazeroso e propiciando sempre a reflexom, fago assessorias grupais e individuais, assim como obradórios, escolas de famílias e docentes, e outras formações, tratando de dar luz ao que as pessoas já levam dentro.
