A Associaçom Pró-Escola Semente Vigo nasceu en junho do 2013 pola necessidade dum grupo de pessoas de encontrarem um projeto de qualidade para as suas crianças em Vigo, junto com outras interessadas na língua e no mundo educativo. Nesta altura por volta das cem pessoas fam parte da associaçom.
A Semente Vigo quer ser um projeto educativo em galego e de qualidade para a cidade ao jeito da Semente Compostela, Semente Trasancos, Semente Lugo e Semente Corunha. E por que? Porque gostamos do que ali se desenvolve; porque partilhamos os seus princípios: coeducaçom, laicidade, assemblearismo, interaçom com a natureza, respeito pola autoregulaçom da criança, integraçom no contexto do seu bairro e da cidade e na nossa língua.
Os Centros de Ensino Galego Semente som umha iniciativa social sem fins de lucro que pretendem conformar, junto com outros projetos semelhantes, as bases necessárias para a criaçom da Escola Nacional Galega.
Tomam o nome das Escolas de Ensino Galego criadas a começo do século XX polas Irmandades da Fala, e impulsionadas por Leandro Carré e Ángelo Casal.
A nossa historia
No mês de outono de 2013 organizamos as I Jornadas de Educaçom e Língua. Contando com a colaboraçom desinteressada de profissionais como: Séchu Sende, Marta Souto, Anxo Moure, Raúl Piñeiro, Concha Costas, Héctor Canto, Marcos Lopes e Salvador Mourelo.
Querendo oferecer atividades de graça para as crianças na nossa língua alugamos um espaço em Mata Má, no que atuaron desinteressadamente: Irene Silva Xiráldez, O Señor Gravata Torta, Adrian Lorenzo e Lukitas Castro Fernandez, A Banda dos Cueiros, Os Beretes de Chapela e as Pandereteiras do C.s. Lume, Servando Barreiro, Cé Orquestra Pantasma e os Bocaneghras.
Em abril de 2014 celebramos o 1º Festival Infantil em apoio da Semente Vigo. Contamos com as atuações da contacontos Andrea Bayer, do original Pablísimo Contacontos e do concerto de Paco Nogueiras.
Em setembro de 2015 inauguramos o nosso espaço educativo na rua Doutor Corbal, 102, em Teis. Dende entom, durante as manhãs dá-se serviço às famílias sócias e nas tardes e nos sábados temos atividades abertas a todas as faixas etárias: contacontos, música em família, pandeireta, Brincateis, Sementinhas, teatro, samba em família, língua de signos, circo, aula ambiental, etc.
Em maio de 2019 organizamos o 1º Festival de Teatro no Auditório de Teis. Partipárom Inversa Teatro, Peter Punk, A Covas das Letras e Iria Pinheiro.
E tínhamos muitos projetos para 2020 mais chegou a pandemia e ficárom adiados. Estamos a desejar recuperarmos a normalidade para voltarmos a oferecer novas atividades.
