O 20 de dezembro também havemos sortear umha assinatura anual à Através Clube. Serám enviados a casa todos os livros editados ao longo de 2015. Valentim Fagim, vice-presidente da Agal, quer partilhar connosco esta mensagem:
“As pessoas que aspiramos a construir realidades melhores que a atual costumamos ter diferentes focos a respeito de onde devemos concentrar as energias para a mudança. Na verdade, todos os focos som importantes e som as nossas biografias pessoais as que nos levam a um lugar ou a outro.
A biografia pessoal da Agal e da Através Editora, seu selo editorial, é que umha Galiza com umha língua galega socialmente ativa é umha sociedade bem melhor. Semente vai ser, já está a ser, umha peça chave para que a transmissom linguística de pais para filhos seja real em âmbitos urbanos superando pessimismos e passividades.
É por isto que apoiamos o projeto de Semente e ainda o havemos de fazer mais para que em curto termo todas as cidades galegas desfrutem de umha escola, para que os pais e mais galego-falantes vivam com as suas crianças em galego”
Lembra que para colaborares connosco, temos conta na Caixa Rural Galega, com o IBAN: ES3330700045166112303927 e o BIC: BCOEESMM070. O assunto a colocar é “Doaçom à Semente Vigo de (o teu nome e apelidos)”.Obrigad@s a tod@s @s que já o tedes feito!
<
