‘Veredevere’ une poesia, música e discurso crítico para mostrar as possibilidades de encontro entre os seres humanos além dos desinformativos, a manipulaçom e o hiperconsumismo das sociedades atuais.
Raízes da tradiçom galega com influências da world-music, da eletrónica libertária, do rock xamânico, do etno-pop, do post-punk e das vanguardas mais descontraídas de todos os cantos do mundo. Uma celebraçom do carpe diem e do poder de transformaçom que cada pessoa guarda no seu inconsciente, uma apelo direto ao inconformismo e a açom.
Características básicas
O resultado quer ser um livro-CD autogerido, autoeditado e distribuído de jeito autónomo e com licença livre. Os materiais para a criaçom do livro vam ser todos naturais: madeira, redes, fios, teias, papel reciclado.
O 10% do obtido com a venda dos livro-CD’s irá para as Escolas de Ensino Galego Semente, e concretamente para o seu novo centro educativo no bairro de Teis, em Vigo. Semente Vigo quer agradecer publicamente a Guilherme e Bastardo a sua colaboraçom com o nosso projeto.
O disco sairá sob licença livre Creative Commons BY-NC-ND e através da Axóuxere, iniciativa cultural comunitária que dá suporte técnico e criativo ao projeto.
No Livro-CD pode-se encontrar poesia, música e desenhos, além de múltiplas colaboraçons:
Najla Shami (vozes), Mig Seoane (guitarra elétrica), Xavi Carreira (guitarra elétrica), Jose Pons (trombone de varas), Fran Sanz (baixo elétrico), Olga Alonso (bateria), Sopa de Pedra (vozes, percussão de mão) , nenoescuro (bases eletrónicas, nei e guitarra elétrica), a magia de Cremildo Bahule e os desenhos de Séchu Sende.
Mais informaçom sobre o projeto e a angarizaçom de fundos:
http://goteo.org/project/veredevere-o-livro-cd-de-guilherme-e-bastardo
